македонија03 февруари 2025 Љубчо Георгиевски: Четниците стануваат „ослободители“ во Македонија
Поранешниот премиер на Македонија, Љубчо Георгиевски, изрази силно незадоволство од односот на српската политика кон македонскиот народ, истакнувајќи дека последните случувања претставуваат понижување.
На денот на Свети Сава, потпретседателот на македонската влада, Иван Стоилковиќ, беше одликуван со српската награда „Војвода Вук“. Додека албанските политички партии реагираа поради неговата наводна вмешаност во злосторства против Албанците, остана без реакција клучниот историски аспект – ликот на Војвода Вук, познат како еден од првите четнички војводи, кој се борел против ВМРО и организирал масакри врз Македонците.
Георгиевски истакнува дека загинувањето на Војвода Вук на Кајмакчалан било во контекст на српското поробување на Македонија. Тој критикува дека македонските патриотски сили не преземаат ништо, додека четничките движења се третираат како ослободители, што според него е сериозен историски и политички преседан.