Љубчо Георгиевски: Иван Стоиљковиќ е докажан борец против македонската државност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Иван Стоиљковиќ е докажан борец против македонската државност

10 септември 2025

• од Станча Јаќимовски

Претседателот на ВМРО – Народна партија, Љубчо Георгиевски, во изјава за ЦИВИЛ Медиа остро реагираше на зачестеното присуство на српски функционери во Северна Македонија и на начините на кои се одбележуваат историски настани со српска димензија во земјава. Според него, ваквите активности претставуваат континуиран удар врз македонската државност и национален идентитет.

„Срамежлив почеток“ што се претвори во традиција

Георгиевски потсети дека процесот започнал уште за време на владеењето на Никола Груевски, кога на Србија и било дозволено да одбележува јубилеи од Балканските војни и Првата светска војна на македонска територија. „Сите мислевме дека тоа ќе биде еднократно, но гледаме дека се претвори во традиција“, вели тој.

Тој нагласува дека денес бројот на вакви настани е зголемен – од неколку првично, сега се одбележуваат седум до осум. Настаните често се организираат со официјално присуство на македонски институции, а оваа година некои од нив се поклопиле и со 8 Септември, Денот на независноста на Македонија. „Во еден момент имавме два државни празника во Македонија – прослава на македонската државност и одбележување на српската окупација на Кајмакчалан“, истакна Георгиевски.

Спомен-плочи и паравојски

Тој остро реагира и на поставувањето спомен-плочи на српски војводи во Македонија, особено во Новаци, за што, како што вели, не е јасно дали има официјална дозвола од властите. „Кога Албанците или Бугарите ќе постават споменик, имаме револуција од реакции. А сега, за споменик на докажан македонски асимилатор, нема никаков проблем“, изјави тој.

Дополнително, предупредува дека на ваквите настани присуствуваат и српски „паравојски“ и ветерански здруженија, што го надминува рамките на културна или историска комеморација.

Таен договор со Србија?

Георгиевски изразува сомнеж дека постои таен договор со Србија, кој никогаш не бил објавен во јавноста и не бил ратификуван во парламент. „Не знаеме што сме добиле со тој договор и зошто дозволуваме великосрпски шовинизам во Македонија“, нагласува тој, додавајќи дека македонската јавност мора да биде информирана.

Критики за Иван Стоиљковиќ

На прашањето за улогата на вицепремиерот Иван Стоиљковиќ, Георгиевски изјави: „Иван Стоиљковиќ е докажан борец против македонската државност. Од раните 90-ти беше активен противник на независна македонска држава“. Тој го оцени како „лажен патриот“ кој под маската на национализам работи за српски интереси, со контакти и во Русија и во српскиот дел на Босна.

Георгиевски предупредува дека ваквото делување ја загрозува геостратешката, идентитетската и евроатлантската перспектива на Македонија.

ВМРО-ДПМНЕ како „идеолошки изгубена страна“

Тој не ја исклучува и одговорноста на актуелната политика на ВМРО-ДПМНЕ, која, според него, повеќе наликува на наследник на четничките структури од минатото отколку на автентична македонска партија.

„Се создава впечаток дека се враќаме на идејата за ‘Велика Србија’, а не за независна Македонија“, заклучи Георгиевски.