Македонските Улици Убиваат: Смртноста за 50% Поголема од ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонските Улици Убиваат: Смртноста за 50% Поголема од ЕУ

15 мај 2025

• од Вардарски

Во последните три години, 457 човечки животи згаснале на македонските улици. Тоа не се само бројки – тоа се изгубени синови, ќерки, родители и пријатели. Секоја од тие трагедии е болка која се пренесува низ цели семејства, генерации и заедници.

Истовремено, над 86.000 казни се изречени за возење без возачка дозвола, што го отвора прашањето – дали законот е само на хартија? Или уште полошо – дали сме веќе навикнати на беззаконие?

Македонските патишта се 50 отсто посмртоносни од европскиот просек, што е јасен показател за системски проблем – од недоволна превенција, преку неказнивост, до целосно игнорирање на правилата.

Ситуацијата дополнително ескалираше вчера, кога татко и неговиот 15-годишен син физички нападнале полицаец, затоа што имал дрскост да ги запре – бидејќи малолетникот управувал возило. Наместо извинување и срам, следел напад. Наместо воспитување, сејачка на анархија.

Сè додека родителите не сносат одговорност за малолетниците кои возат, нема да има ред. Не е доволно да се казни само возачот. Вистинското прашање е – каде е одговорноста на оние што го дале клучот во рака?

Во јавноста сè погласно се предлагаат поригорозни мерки. Еден граѓанин со саркастичен, но искрен предлог вели:

“Да сум на власт – ќе им ги земам колите и ќе ги распределам по институции, наместо да купуваме службени. А целото семејство нека оди на општествено корисна работа – нека чистат улици, нека фарбаат клупи.”

Можеби звучи радикално, но поентата е јасна – редот не се воведува со молба, туку со одговорност и последици.