Мицкоски искривува: Во документот на ЕП не стои “посебен” или “многувековен” идентитет

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски искривува: Во документот на ЕП не стои “посебен” или “многувековен” идентитет

29 мај 2025

• од Гоце Кически

Нови контроверзии околу изјавите на лидерот на ВМРО-ДПМНЕ, Христијан Мицкоски, предизвикаа реакции во јавноста и повторно го отворија прашањето за манипулација со фактите во политичката реторика.

Во изјава, Мицкоски тврдеше дека Европскиот парламент во нов нацрт-документ го признал „посебниот многувековен“ македонски идентитет. Меѓутоа, прегледот на официјалниот нацрт-документ покажува дека овие зборови не постојат во тој текст.

Во документот се користи формулацијата „македонски јазик и идентитет“, без да се споменат термини како „посебен“ или „многувековен“. Ова јасно укажува дека Мицкоски повторно прибегнува кон произволно толкување со цел да ја манипулира јавноста и да ја засили сопствената националистичка политичка агенда.

Дополнително, нацрт-документот содржи и јасен повик до сите политички партии во Северна Македонија:

„Европскиот парламент jа забележува важноста од усвојување на уставните измени, Европскиот парламент ги охрабрува сите политички партии во Северна Македонија да се вклучат во конструктивен дијалог за постигнување на потребниот консензус за овие измени, што би го зајакнале мултиетничкиот карактер на земјата и би го забрзале нејзиниот напредок кон членство во ЕУ.“

Овие елементи, кои Мицкоски целосно ги игнорираше во своите настапи, укажуваат на сериозната политичка и правна обврска што стои пред земјата, а не на каква било „историска победа“ за македонскиот идентитет, како што тој настојува да го претстави.

Политички аналитичари коментираат дека ваквиот пристап е дел од стратегија за одложување или поткопување на уставните измени, користејќи националистичка реторика за мобилизација на поддршката. Но, истовремено, таквиот пристап може да ја загрози и веродостојноста на државата во очите на Европската унија.