Мицкоски уверен: со 17 илјади денари се живее европски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски уверен: со 17 илјади денари се живее европски

03 јануари 2026

• од Станча Јаќимовски

Државата, според најновите изјави, конечно го пронајде Светиот грал на социјалната правда: линеарното зголемување. Со него, магично, сиромаштијата се намалува, јазот се затвора, а статистиката – воздивнува од олеснување.

Премиерот со сигурност достојна за учебник по оптимизам нè уверува дека сме лидери во регионот и над европскиот просек. Не е сосема јасно во што точно сме лидери, но важно е дека сме над нешто – ако не по животен стандард, тогаш барем по самодоверба.

Според објаснувањата, сиромаштијата паднала од 22,2% на 21,9%. Тоа е толку драматично намалување што многумина граѓани не го почувствуваа, но за среќа, статистиката го забележа. А таа не лаже – освен ако не ја прашате што значи да се живее со 17 илјади денари месечно во услови на европски цени и балкански плати.

Посебно инспиративна е приказната за пензионерите. Тие, некогаш со 10 до 12 илјади денари, сега се издигнати во нова класа – граѓани без пензија под 15 илјади денари. Сиромаштијата е победена: ако не во реалноста, тогаш барем во табелите. Храната можеби е поскапа, сметките повисоки, но бројките се поубави, а тоа е најважно.

Џини-коефициентот, тој мистичен параметар што ретко кој го разбира, но убаво звучи на прес-конференција, исто така потврдува дека распределбата на доходите е „поправилна“. Колку поправилна – не е прецизирано, но доволно за да можеме да се споредуваме со Европа, барем на хартија.

На крајот, пораката е јасна: не гледајте во паричникот, гледајте во статистиката. Таа покажува дека живееме подобро. Ако не се чувствувате така, веројатно проблемот не е во политиките, туку во тоа што не сте доволно над европскиот просек во оптимизам.