МВР со апел за безбедни матурски прослави: „На матурска прослава без автомобил!“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

МВР со апел за безбедни матурски прослави: „На матурска прослава без автомобил!“

15 мај 2025

• од Вардарски

Министерството за внатрешни работи (МВР) упати апел до сите матуранти, нивните родители и наставници, со цел матурските прослави оваа година да поминат без инциденти и трагични последици. Под мотото „На матурска прослава без автомобил!“, „Без конзумирање алкохол!“, „Без користење наркотични средства!“ и „Без нарушување на јавниот ред и мир!“, МВР ги потсетува младите на важноста од одговорно однесување за време на прославите.

Според податоците од сообраќајната статистика, токму во периодот на матурските вечери се бележи зголемување на бројот на сообраќајни несреќи, при што значителен дел од учесниците се млади лица – матуранти. За жал, многумина од нив завршуваат со тешки телесни повреди, а не ретко се случуваат и фатални последици.

„Грешките во сообраќајот можат да бидат фатални, особено кога се мешаат млади, неискусни возачи, алкохол или дрога и возбудата од матурската вечер. Затоа апелираме: нека матурската прослава биде повод за радост, а не за тага“, порачуваат од МВР.

Надлежните укажуваат дека одговорноста за безбедноста на младите не паѓа само на нив, туку и на родителите. Од МВР ги повикуваат родителите да не дозволуваат нивните деца да управуваат со автомобил на денот на прославата, да разговараат отворено за ризиците и да бидат вклучени во организацијата на настанот.

Со овој апел, МВР потсетува дека зрелоста не се покажува само со матурска диплома, туку и со способноста да се направи вистинскиот избор – без алкохол, дрога, брзо возење и насилно однесување. Нека матурската вечер биде спомен за цел живот – радосен и безбеден.