Нано Ружин: Внесувањето на Бугарите во уставот е клуч за отворање на кластерите во ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нано Ружин: Внесувањето на Бугарите во уставот е клуч за отворање на кластерите во ЕУ

10 ноември 2025

• од Станча Јаќимовски

Клучна тема во најновиот Извештај за напредокот на Европската комисија за Северна Македонија остануваат уставните измени, спроведувањето на реформите и исполнувањето на демократските стандарди во согласност со европското законодавство. Според извештајот, токму усвојувањето на уставните измени претставува суштински чекор за отворање на кластерите и напредок во евроинтегративниот процес.

Уставните измени – клуч за деблокирање на процесот

Иако Владата неколкупати најави дека по Нова година ќе се интензивираат разговорите со Бугарија, дел од експертите сметаат дека енергијата треба да се насочи кон Брисел, а не кон билатерални разговори. Според поранешниот амбасадор Нано Ружин, рамката за преговори е веќе усвоена од ЕУ, и во неа нема простор за дополнителни измени.

„Меморандум со Бугарија нема ниту треба да има, бидејќи нашите разговори се со Европската унија. Целата енергија треба да се насочи кон Европскиот совет, затоа што Европската комисија практично нема можност да направи какви било измени во преговарачката рамка,“ изјави Ружин.

Тој додаде дека промената на Уставот може да се направи по почетокот на преговорите, со гаранции дека нема да има нови вета, но предупреди дека во историјата на ЕУ никогаш не се дало апсолутно ветување дека инструментот „вето“ нема да се користи.

Корупцијата и реформите – трајни предизвици

Поранешниот амбасадор посочи и на системските проблеми кои го оптоваруваат процесот на пристапување – корупцијата, нефункционалниот правосуден систем и слабата јавна администрација. Сепак, според него, доколку уставните измени се реализираат, останатите проблеми би можеле привремено да се стават во втор план.

Оптимизам за позитивен развој

И покрај политичките блокади, Ружин изрази умерен оптимизам дека ситуацијата може да се промени во позитивна насока до пролетта, кога би можело да се нацрта јасна патека за започнување на преговорите со Европската унија.