Никој не нè сака во ЕУ: Македонија заглавена пред затворените европски врати

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Никој не нè сака во ЕУ: Македонија заглавена пред затворените европски врати

10 септември 2025

• од Станча Јаќимовски

Новиот извештај на Евробарометар ја сече секоја надеж дека Северна Македонија ќе ја најде својата иднина во Европската Унија. Податоците покажуваат дека нашата држава е речиси сама во оваа битка, одбиена од соседите и игнорирана од оние што ја кројат европската политика.

Бугарија – непремостлив ѕид

Најголемиот шлак е од Софија. Само 32% од бугарските граѓани сакаат Македонија да влезе во ЕУ. Тоа е најниската поддршка на целиот континент. По сите уцени, условувања и понижувања, сега станува јасно: бугарското општество нè гледа како непријатели, а не како идни партнери. Тоа значи дека блокадата ќе трае со години, можеби децении.

Грција – предавството на надежите

И покрај сменетото име и националното понижување што македонските граѓани го прифатија со Преспанскиот договор, Грција возвраќа со студена рамнодушност. Само 39% од Грците сакаат да нè видат во ЕУ. Жртвата што Македонија ја направи не донесе благодарност, туку уште една понижувачка порака – дека не сме посакувани ниту на југ.

Западна Европа – рамнодушна и студена

Франција, Германија, Холандија – земјите што реално одлучуваат за иднината на Унијата – покажуваат речиси никаква волја за ново проширување. Со поддршка од 36% во Франција, 44% во Германија и 48% во Холандија, сигналот е јасен: Македонија нема иднина во нивните планови. Европа е поделена, но центарот на моќта нè гледа како товар, а не како иднина.

Народ без перспектива

Северна Македонија веќе три децении чека на прагот на Европа, а денес изгледа појасно од кога било – таа врата е заклучена. Нашите жртви се покажаа залудни, нашите соништа се претворија во кошмар. ЕУ нè користи за дневна политика и нè остава да тонеме во разочараност и безнадежност.

Мрачниот заклучок

Ако овие бројки се вистинската слика на европската иднина, тогаш македонскиот народ нема што да очекува. Секој нов ден на чекање е уште едно потсетување дека сме оставени сами, заборавени и понижени. Европа ја врти главата, а Северна Македонија полека исчезнува во мракот на сопственото разочарување.