Николоски: Со пријателска помош од Бугарија проблемот со радарот е решен

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Николоски: Со пријателска помош од Бугарија проблемот со радарот е решен

25 септември 2025

• од Тодор Вангелов

Иако актуелната влада со месеци гради непријателска реторика кон Бугарија, деновиве повторно станавме сведоци дека токму од нашиот источен сосед доаѓа клучната поддршка кога Македонија е во неволја.

Министерот за транспорт, Александар Николоски, денеска потврди дека проблемот со радарот на скопскиот аеродром е решен за само три дена. Но, јавноста остана изненадена од признанието дека во целиот процес пресудна била „пријателската работа и помошта од контролата за летање во Бугарија“, како и од Владата на Италија.

Да потсетиме: проблемот со радарот трае повеќе од три децении, а актуелниот систем е стар речиси 27 години. Делови за него не се произведуваат веќе седум години, но властите и покрај тоа дозволиле скопскиот аеродром да функционира само со еден канал целиот овој период.

Николоски се обиде да ја сврти вината кон претходната влада, но суштината е јасна: додека Скопје со години шири омраза и недоверба кон Софија, Бугарија без двоумење испрати помош и се вклучи во координацијата за решавање на проблемот.

Ова не е првпат источниот сосед да помогне во кризна ситуација – и секогаш тоа се прави тивко, професионално и без условувања. За жал, наместо благодарност и градење пријателски односи, од владините говорници слушаме само политички напади кон Бугарија, кои очигледно не одговараат на реалноста.

Радарот сега повторно работи со два канали, а Владата најави дека ќе донесе одлука за конечно монтирање на новиот систем кој со години стои во депо. Но, суштинската порака што останува е едноставна: Кога Македонија има проблем – Бугарија е таа што прва подава рака, додека нашите „патриотски“ власти градат ѕидови од недоверба.