Османи: Балансерот е гаранција за заштита на сите заедници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Османи: Балансерот е гаранција за заштита на сите заедници

30 август 2025

• од Станча Јаќимовски

Кандидатот за градоначалник на Чаир, Бујар Османи, остро реагираше на последната изјава на градоначалникот на Куманово, Максим Димитриевски, кој повторно го оспори принципот на Бадентеровото мнозинство – еден од клучните столбови на Охридскиот рамковен договор.

„Стратегија за поништување на Рамковниот договор“

Османи оцени дека нападите врз овој принцип не се изолирани изјави, туку дел од одамна подготвен план за анулирање на Рамковниот договор. Според него, целта е укинување на договорот што ја гарантира мултиетничноста и стабилноста на државата.

„Мислам дека ова е веќе видена стратегија. Планот за анулирање на Рамковниот договор постои одамна. Само што тогаш не можеа да го реализираат – им требаше албански партнер што ќе им даде легитимитет пред народот и странците. Сега го најдоа“, предупреди Османи.

Балансерот – заштита и за Македонците во Чаир

Еден од клучните механизми за кој се залага Османи е балансерот – систем кој обезбедува правична етничка застапеност во институциите. Тој нагласи дека токму Македонците во Чаир биле најзаштитени благодарение на ова решение.

„Македонците во Чаир беа најзаштитени токму од балансерот. Благодарение на него, општината мораше да ги вработува и нив согласно бројот. И тие ми велат: ова е директен удар врз нивната безбедност“, изјави кандидатот.

„Не привилегија, туку фер систем“

Османи истакна дека балансерот не е привилегија за било која етничка група, туку фер систем кој овозможува рамноправност за сите – Албанци, Македонци, Роми и останатите заедници.

„Неговото укинување не е во интерес на ниту една заедница. Тоа е противдржавен проект што има за цел да го подрие соживотот“, предупреди тој.