Пешак е прегазен и тешко повреден во Струмица
Жител на Струмица, чијашто возраст полицијата не ја соопштува, рано утрово како пешак бил прегазен од возач на автомобил во Струмица.
„Денеска (12.05.2025) околу 04.50 часот во СВР Струмица било пријавено дека во кругот на Кванташки пазар во Струмица, возило „фиат добло“ со струмички регистарски ознаки, управувано од А.М., удрило во пешакот Г.К.. Во несреќата со тешки телесни повреди се здобил пешакот, констатирани во Општата болница Струмица. Извршен бил увид од увидна екипа од СВР Струмица“, пишува во полицискиот билтен.