Подигнато спомен-обележје за убиените Албанци кај Бит-пазар од 1992 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Подигнато спомен-обележје за убиените Албанци кај Бит-пазар од 1992 година

30 јули 2025

• од Станча Јаќимовски

На мостот кај Бит-пазар денес се одржа свечена церемонија на која беше откриено спомен-обележје во чест на жртвите од трагичните настани што се случија на 6 и 7 ноември 1992 година. Споменикот го откри градоначалникот на Општина Чаир, Висар Ганиу, во присуство на вицепремиерот Изет Меџити и членови на семејствата на загинатите.

Во својот говор пред медиумите, Ганиу истакна дека поставувањето на оваа спомен-плоча претставува морална обврска и дел од колективната свест за еден од најболезните моменти од поновата историја на Скопје. Тој ги нарече настаните „незаздравена рана“ и додаде дека станува збор за „тежок и контроверзен момент во нашата историја“.

„Со почит и одговорност сме собрани на ова симболично место кај мостот на Бит-пазар, за да поставиме спомен-плоча која не е само камен-меморијал, туку глас на нашата колективна свест“, рече Ганиу.

Тој најави дека наскоро ќе биде објавена публикацијата „Вистината за настаните – Бит-пазар 1992“, која преку архивски материјали и сведоштва ќе понуди подлабоко и пообјективно разбирање за инцидентот.

Ганиу упати благодарност до семејствата на жртвите, потенцирајќи дека тие се причината зошто ова одбележување се случува токму сега, во летниот период, а не во ноември, кога и се одбележува годишнината од настаните.

„Оваа спомен-плоча е тивка, но врежана со болка, правда и свесност“, нагласи Ганиу.

Тој исто така одговори на евентуалните дилеми во јавноста околу поставувањето на споменикот, објаснувајќи дека сите неопходни дозволи се добиени од Општина Чаир и дека Советот едногласно го поддржал проектот.

Настаните во 1992 година започнаа со полициска акција за отстранување на продавачи на петарди, но брзо ескалираа во нереди, судири, барикади и каменување на јавен превоз во околината на Бит-пазар. Во инцидентот животот го загубија четворица Албанци, за кои подоцна се појавија тврдења дека некои од нив не биле државјани на Македонија. Овие настани сè уште предизвикуваат различни толкувања и полемики во јавноста.