06 октомври 2025
• од Станча Јаќимовски
Приватните автобуски превозници што сообраќаат во Скопје денеска во 10:00 часот ги повлекоа возилата од линиите, како знак на протест поради неплатени долгови од страна на Јавното сообраќајно претпријатие (ЈСП). Според нив, исплатата на надоместоците доцни повеќе од шест месеци, а долгот кој го побаруваат изнесува околу 90 милиони денари за тој период.
Превозниците најавија дека ќе сообраќаат со ограничен режим – само од 05:00 до 10:00 часот – сè додека не се подмири долгот. Тие истакнаа дека нема да го прекинат протестот сè додека не се изврши целосна исплата од страна на ЈСП.
Според изјавите на превозниците, вкупниот долг на ЈСП кон нив изнесува околу 170 милиони денари. Тие велат дека имаат информации оти Град Скопје веќе префрлил дел од средствата кон ЈСП, но не е познато каде точно се насочени парите и дали тие ќе бидат употребени за подмирување на обврските кон приватните компании.
Ограничувањето на јавниот превоз веќе предизвикува проблеми за граѓаните, особено во утринските часови кога сообраќаат најголем дел од линиите. Превозниците порачуваат дека ќе останат на својот став сè додека не добијат конкретен одговор и финансиска исплата од ЈСП.
Ненадминливи Понуди Дневно
4.8 (10276 рецензии)
Заштедете 152.00 ден

