Проф. Стефан Дечев: Мицкоски произведува проблеми за потоа да глуми спасител

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Проф. Стефан Дечев: Мицкоски произведува проблеми за потоа да глуми спасител

27 јуни 2025

• од Станча Јаќимовски

Бугарскиот историчар и професор Стефан Дечев остро реагира на најновите изјави на македонскиот премиер Христијан Мицкоски во контекст на македонско-бугарските односи. Во интервју за „Локално“ (izvor), Дечев порача дека Мицкоски „прво создава проблеми, а потоа се претставува како нивен решавач“, алудирајќи на неговите постојани критики кон Бугарија и Европската Унија.

Според Дечев, ВМРО-ДПМНЕ ја пропуштила клучната порака што Урсула фон дер Лајен уште во 2022 година им ја упати на Македонците, кога јасно изјави дека државата ќе стане членка на ЕУ како македонска нација, со македонски јазик. „Можеби поради вувузелите на протестите ништо не разбраа,“ коментираше Дечев иронично.

Тој додаде дека францускиот предлог, кој требаше да биде компромис за двете страни, беше злоупотребен во Бугарија од популистички структури, слично како што тоа се случува и во Македонија. „Бугарските националистички партии како ВМРО-БНД и БСП се обидоа да го искористат договорот како алатка за популизам,“ рече Дечев за „Локално“.

Посебно внимание привлече и дебатата околу терминот „модерен македонски јазик“, која се најде во амандманите на Европскиот парламент. Дечев појасни дека сите национални идентитети се современи градби, без оглед на нивните историски корени, и не смета дека ваквите формулации го доведуваат во прашање постоењето на македонската нација.

И бугарскиот претседател Румен Радев се огласи, истакнувајќи дека Софија нема да дозволи да се менува, како што рече, „тешко постигнатиот европски компромис“, предупредувајќи дека правата на Бугарите во Македонија не се предмет за понатамошни преговори.

На крај, Комитетот за надворешни работи на Европскиот парламент сепак го усвои извештајот со мнозинство гласови, отфрлајќи ги спорните амандмани и потврдувајќи ја македонската позиција без дополнителни условувања.