СДСМ: Ако сака борба против корупцијата, Мицкоски прво да се уапси себеси

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Ако сака борба против корупцијата, Мицкоски прво да се уапси себеси

04 јануари 2026

• од Станча Јаќимовски

Социјалдемократскиот сојуз на Македонија (СДСМ) остро реагира на новогодишното интервју на премиерот Христијан Мицкоски, оценувајќи дека тој продолжува со опасна реторика на поделби, дисквалификации и дефокусирање на јавноста од суштинските проблеми – криминалот, корупцијата и изолацијата на државата.

По претходната изјава во која граѓаните беа квалификувани како „талог на општеството“, Мицкоски во интервјуто ги нарекува неистомислениците „медиокритети“, што, според СДСМ, претставува директно преземање на моделот „подели па владеј“, применуван од Александар Вучиќ и Српската напредна странка во Србија.

Копи-пејст кампања и теории за странски заговори

СДСМ оценува дека наративот за „мигрантска закана“ и наводна вмешаност на странски сили е уште еден доказ за копирање на кампањите на Вучиќ, со цел создавање страв и внатрешни конфликти. Премиерот најавува дека „доказите“ ќе ги објави подоцна, а во меѓувреме, како што самиот вели, ги споделил со својот „загрижен пријател“, унгарскиот премиер Виктор Орбан.

Според СДСМ, ваквите изјави доаѓаат во чувствителен момент, по усвојувањето на Законот за Западен Балкан во САД, потпишан од Доналд Трамп, кој става силен фокус на борбата против криминалот и корупцијата во регионот.

Контроверзни сојузници и европска изолација

Партијата предупредува дека Мицкоски се поврзува со политичари кои се соочуваат со сериозни обвинувања за корупција и криминал. Како пример се наведува Орбан, за кого Европската унија отвори прашања поврзани со сомнителен имот, како и блиските односи на Вучиќ со контроверзни светски лидери.

Истовремено, СДСМ смета дека најавените измени во законите за обвинителството и судството имаат цел целосна контрола врз правосудството, што директно ја оддалечува Македонија од европскиот пат. Заострувањето на односите со Бугарија и поставувањето услови кон ЕУ, според партијата, се увертира во нова изолација.

Луксуз, тендери и лицемерие

Во реакцијата се потенцира и контрастот меѓу изјавите на Мицкоски за сиромаштијата во државата и неговиот личен луксуз – часовници вредни десетици илјади евра и најави за купување нов владин авион. СДСМ го обвинува премиерот дека промовира „тендер-коалиција“, во која блиски соработници добиваат стотици тендери, додека граѓаните се соочуваат со растечки трошоци и задолжување.

„Ако сака борба против корупција – нека почне од себе“

СДСМ иронично порачува дека, ако Мицкоски навистина сака да покаже дека се бори против криминалот и корупцијата, треба прво „да се уапси себеси“. Според партијата, доволно е обвинителството да почне со истрагите за тендерите поврзани со негови блиски соработници и со документите на Антикорупцискиот тим на СДСМ.

Изборите како референдум

На крајот, СДСМ оценува дека најавените предвремени избори нема да бидат обичен изборен циклус, туку референдум за иднината на државата – избор меѓу европска интеграција или враќање во период на криминал, корупција и изолација.

„Изборот е јасен – интеграција или изолација. На граѓаните им останува да одлучат“, порачуваат од СДСМ.