СДСМ до Мицкоски: Со „Дрисла“ управува ВМРО-ДПМНЕ заедно со ДУИ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ до Мицкоски: Со „Дрисла“ управува ВМРО-ДПМНЕ заедно со ДУИ

12 септември 2025

• од Станча Јаќимовски

СДСМ ја обвини ВМРО-ДПМНЕ и нејзиниот лидер Христијан Мицкоски дека не можат да побегнат од одговорноста за еколошката катастрофа што ја трпи Скопје и труењето на граѓаните поради горењето на депониите „Дрисла“ и „Вардариште“.

Обвинувања за управувањето со „Дрисла“

Во соопштението се потенцира дека токму луѓе блиски до ВМРО-ДПМНЕ управуваат со депонијата „Дрисла“.
Даме Димитровски, актуелен советник за животна средина на Мицкоски и поранешен претседател на Комисијата за животна средина на ВМРО-ДПМНЕ, во моментов е претседател на Управниот одбор на „Дрисла“. Претходно, директор на депонијата бил Јане Мицевски, магистер по туризам и менаџмент, исто така од редовите на ВМРО-ДПМНЕ.

Вардариште – нереализирани ветувања

Што се однесува до депонијата „Вардариште“, СДСМ потсетува дека со децении таму управувале градоначалници на ВМРО-ДПМНЕ, меѓу кои Коце Трајановски и Бобан Стефковски.
Во кампањите, ВМРО-ДПМНЕ и нејзините градоначалници пред четири години ветувале затворање на Вардариште, намалување на стакленички гасови, покривање и озеленување на просторот. Исто така, Тимчо Муцунски најавувал дислокација на претоварната депонија, додека Мицкоски и Арсовска ветувале „зелена зона Вардариште“ со спортско-рекреативни содржини. Дополнително, партијата вети и фабрика за селекција на отпад во рамките на „Дрисла“.

„Ништо не е исполнето“

СДСМ оценува дека ниту едно од овие ветувања не е исполнето. Наместо тоа, граѓаните на Скопје и понатаму живеат со последиците од загадувањето и лошото управување со депониите.

„Вперувањето на прстот кон други е признание на Мицкоски дека ВМРО-ДПМНЕ не само што не ги исполни ветувањата кон граѓаните, туку и не мрдна со прст, оставајќи ги скопјани да се трујат,“ се наведува во соопштението.