СДСМ: Кај Мицкоски се гледа паника од растечкото незадоволство кај граѓаните

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Кај Мицкоски се гледа паника од растечкото незадоволство кај граѓаните

21 август 2025

• од Станча Јаќимовски

СДСМ реагираше на изјавите на премиерот и лидер на ВМРО-ДПМНЕ, Христијан Мицкоски, оценувајќи дека неговите тврдења за „успешна влада“ и „реформи“ се ништо повеќе од обид да се прикрие реалната состојба – падот на рејтингот и растечкото незадоволство кај граѓаните.

Обвинувања за корупција и институционален хаос

Од СДСМ прашуваат дали Мицкоски навистина верува дека јавноста ќе се убеди дека нема корупција, кога, според нив, институциите се претвораат во партиски испостави. Дополнително, велат дека најважните ветувања од програмата останале само на хартија и дека реформите се сведуваат на празни зборови.

„Владата нема со што да се пофали, па сега преку лажна помпа се обидуваат да го деморализираат народот за да не ги казни на изборите“, порачаа од СДСМ.

Разочараност и нереализирани ветувања

Според партијата, по само една година од владеењето на ВМРО-ДПМНЕ, граѓаните се длабоко разочарани бидејќи очекуваните промени не дошле, а секојдневниот живот станува сè потежок.

„Гледаме институционален хаос, партизација без срам, нула реформи во правдата, афери без разрешница и молк за сите скандали што ги тресат институциите“, се наведува во реакцијата.

„Паника наместо сила“

Од СДСМ сметаат дека повторувањето на Мицкоски дека нема корупција и дека владата функционира стабилно е далеку од реалноста во која живеат граѓаните.

„Изјавите на Мицкоски не се израз на сила, туку одраз на паника. Паника поради изгубената доверба, растечкото незадоволство и јасната порака од граѓаните дека ова не е промената што ја очекуваа“, заклучуваат од партијата.