СДСМ: Мицкоски со морбидни лаги додека државата гори

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Мицкоски со морбидни лаги додека државата гори

09 јули 2025

• од Станча Јаќимовски

Во моменти кога државата се соочува со сериозна елементарна непогода и прогласена вонредна состојба поради пожарите, лидерот на ВМРО-ДПМНЕ, Христијан Мицкоски, повторно избира политичка конфронтација и ширење на морбидна реторика наместо одговорност и солидарност.

Наместо да помогне во наоѓањето решенија и да ги мобилизира ресурсите, Мицкоски нуди нов бран измислени приказни и обвинувања, користејќи ја трагедијата како политичка платформа. Овој циничен пристап е само продолжение на неодговорното однесување што го видовме и минатата година, кога под водство на ВМРО-ДПМНЕ изгореа меѓу 10% и 15% од вкупната територија на Македонија.

Иако тогаш Мицкоски ветуваше дека следната година „ќе биде подобро“, денес сведочиме на уште полоша состојба. Горуваат преостанатите шуми и зелени површини, додека државните институции се без капацитети и ресурси – нема нова опрема, нема нови противпожарни авиони, нема доволно обучени пилоти, нема ни нови пожарникари. Државата се обидува да ангажира привремени пожарникари за минимална плата од 24.000 денари, барајќи од нив да го ризикуваат својот живот.

Во отсуство на системска организација и вистинска акција, граѓаните се оставени сами да се справуваат со пламенот. Сцените на бегство на луѓе и стока од огнената стихија станаа секојдневие, додека Мицкоски и натаму одбива да се соочи со реалноста.

Во време кога е потребна државничка одговорност, хуманост и акција, граѓаните добиваат само некрофилска реторика и лов на виновници. Веќе има една потврдена жртва од пожарите, но наместо сочувство и конкретни мерки, од лидерот на опозициската партија добиваме уште една низа на бесчувствителни и бесцелни обвинувања.

Оваа ситуација не бара обвинувања, туку итна реакција, солидарност и единство. Пожарите не познаваат политика, но очигледно е дека некои политичари не познаваат одговорност.

Соопштение за јавност СДСМ