СДСМ прашува: Дали Мицкоски во Давос бара посредничка куќа за мигрантите?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ прашува: Дали Мицкоски во Давос бара посредничка куќа за мигрантите?

21 јануари 2026

• од Станча Јаќимовски

Опозициската СДСМ денеска излезе со сериозни прашања до Владата и премиерот Христијан Мицкоски, поврзани со најавена средба во Давос, која, според нивни информации, треба да се одржи утре, 22 јануари 2026 година.

Од СДСМ информираат дека располагаат со податоци според кои Мицкоски во Давос ќе има средба со компанија што работи со програми за престој и државјанства преку различни типови инвестиции. Средбата, наводно, е закажана за 18:30 часот во Global Citizens House, но за истата досега нема официјална најава или соопштение од Владата.

„Загрижува фактот што Владата молчи за ваква средба, особено ако се земе предвид контекстот во кој таа се одржува“, посочуваат од СДСМ.

Според партијата, средбата доаѓа веднаш по одлуката за прием на 10.000 таканаречени „економски работници“, по измените на Законот за странци, како и по информациите за договор за миграции за кој претходно известуваа британски медиуми.

Оттука, СДСМ јавно поставува две клучни прашања:

Дали Мицкоски во Давос бара посредничка куќа за мигрантите?
Дали на Владата толку ѝ се потребни финансиски средства што се брза, преку посредници, да ги обезбеди?

Од опозициската партија бараат итна транспарентност и јасни одговори од премиерот и Владата за целта на средбата, содржината на разговорите и можните обврски што државата би ги презела зад затворени врати.

„Граѓаните имаат право да знаат какви договори се договараат надвор од државата и какви последици тие можат да имаат врз иднината на земјата“, порачуваат од СДСМ.