СДСМ: Скопје се гуши, власта се крие зад „хибридни напади“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Скопје се гуши, власта се крие зад „хибридни напади“

15 септември 2025

• од Станча Јаќимовски

Граѓаните на главниот град и околината со денови се соочуваат со густи облаци отровен чад, додека институциите остануваат пасивни, а Владата ја префрла одговорноста со приказни за „хибридни напади“.

Пожари и чад без контрола

Над половина милион жители на Скопје и околината се принудени да вдишуваат канцерогени материи поради пожарите што зафатија депонии и фабрики во Трубарево, Дрисла и Вардариште. Наместо навремена интервенција и јасни препораки за заштита на здравјето на луѓето, институциите задоцнето реагираа, а јавноста не доби никакви прецизни информации за состојбата.

Граѓаните и понатаму не знаат колкаво е загадувањето, какви материи се изгорени, ниту какви последици може да имаат по здравјето на долгорочен план.

Обвинувања за политичка одговорност

СДСМ ја обвинува Владата на Христијан Мицкоски дека е директно одговорна за еколошката катастрофа. Според нив, најголем дел од депониите се под управување на ВМРО-ДПМНЕ и токму тие структури дозволиле да се случи екоцид од вакви размери.

„Доста беа приказни. За оваа еколошка катастрофа мора да има политичка и кривична одговорност,“ стои во реакцијата.

Барања за истрага

Опозициската партија бара Јавното обвинителство да ја прошири истрагата и за пожарите во Вардариште и Дрисла, а не само за Трубарево. Истрагата, според нив, мора да ги опфати сите одговорни лица и раководни структури кои дозволиле да дојде до еколошка катастрофа со опасни последици за здравјето на граѓаните.