СДСМ: Зошто не се истражуваат актуелните раководители на МВР?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Зошто не се истражуваат актуелните раководители на МВР?

25 март 2025

• од Гоце Кически

Опозициската партија СДСМ остро реагира и бара одговори од Министерството за внатрешни работи и Јавното обвинителство во врска со истрагата за трагедијата која ја потресе јавноста. И по 24 часа од поставените прашања, одговори нема, што според СДСМ е крајно загрижувачки.

Партијата изразува сомнеж дека истрагата е селективна и насочена исклучиво кон поранешни функционери, додека актуелните раководители на МВР остануваат изземени. СДСМ предупредува дека ваквата постапка е правна небулоза и ја поткопува довербата на јавноста во правниот систем.

„Селективната правда не е никаква правда. Ако се штитат поединци блиски до власта, довербата на граѓаните ќе биде целосно урната, а чувството на неправда – уште подлабоко“, изјавуваат од СДСМ.

Партијата јавно ги поставува следните прашања:

Дали е точно дека ниту еден од командирите, инспекторите и раководството на БЈБ и МВР во ОВР Кочани и СВР Штип – кои биле должни да го обезбедат настанот – не се во притвор?
Дали и против кого од нив се води истрага?
Дали е точно дека сите приведени вработени во МВР не биле на функции вечерта на трагедијата?

СДСМ упатува апел до институциите за транспарентност и независност, нагласувајќи дека партиските одговори само го зголемуваат сомнежот за селективност и политички манипулации.

Партијата го повикува ВМРО-ДПМНЕ да не зборува во име на независните институции, истакнувајќи дека единствено објективна и сеопфатна истрага може да ја врати довербата на граѓаните и да обезбеди вистинска правда.