Се расипа единствениот исправен радар на скопскиот аеродром

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Се расипа единствениот исправен радар на скопскиот аеродром

22 септември 2025

• од Станча Јаќимовски

На скопскиот аеродром од вчера наутро е во прекин единствениот исправен радар што ја покрива Контролата на летање во Македонската навигација (М-НАВ), со што контролорите на летање не можат да ги следат авионите на пониски височини при нивното слетување.

Вообичаено, аеродромот располага со два радара – еден на Контролната кула и друг во нејзина непосредна близина. Но, веќе извесен период првиот е вон функција, па вчера дефект доби и вториот.

Слетувања со забавено темпо

До пристигнување на резервниот дел од Италија, авионите ќе мора да се спуштаат еден по еден. Доколку во исто време пристигнат два или три авиони, тие ќе треба да кружат во воздухот сè додека претходниот безбедно не слета.

Потврда од М-НАВ

Директорот на М-НАВ, Владимир Ристески, за САКАМДАКАЖАМ.МК потврди дека дефектот е реален, но нагласи дека нема простор за паника:

„Работата ќе продолжи како и досега, само со побавно темпо. Најважно е што нема никаков безбедносен ризик со слетувањето и полетувањето на авионите.“

Тој објасни дека М-НАВ располага со три радарски глави – една во близина на охридскиот аеродром и две во Скопје. Една од скопските е во дефект, но дефектот е технички и вообичаен во авијацијата.

Безбедноста не е загрозена

„Ваквите електронски дефекти се нормални појави во воздухопловството и за нив постојат предвидени безбедносни процедури. М-НАВ ги применува токму тие процедури и моментално нема никакво безбедносно влијание врз одвивањето на воздушниот сообраќај. Единствената разлика е намалениот број авиони што можат да се опслужат во еден час“, додаде Ристески.

Тој најави дека стручните екипи на М-НАВ интензивно работат за што побрзо враќање во функција на радарската глава „Алениа – Бањски Рид“.

Алтернативна покриеност

Додека не се отстрани проблемот, за следење на авионите на големи височини контролорите се потпираат и на радарите од соседните земји – Грција и Бугарија.