Шукова: Македонија заостанува, Албанија и Црна Гора напредуваат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Шукова: Македонија заостанува, Албанија и Црна Гора напредуваат

19 јуни 2025

• од Станча Јаќимовски

Потпретседателката на СДСМ, Каја Шукова, во синоќешното гостување во емисијата „24 Анализа“ на телевизија 24 остро ја критикуваше актуелната власт, оценувајќи дека Македонија е целосно закочена на својот пат кон Европската Унија. Наместо напредок и подобрување на меѓународната позиција на земјата, како што било ветувано, таа предупреди на назадување и сериозни застои во евроинтегративниот процес.

„Она што ние го гледаме во оваа една година е дека нема никакво подобрување на позициите на државата, а тоа е она што актуелната власт го ветуваше пред изборите. Позициите стануваат од ден на ден се полоши, и евроинтегративниот пат, де факто, во моментот е закочен и загрозен“, истакна Шукова.

Таа посочи дека додека европските претставници постојано повторуваат дека вратите на ЕУ остануваат отворени, земји како Албанија и Црна Гора се движат со забрзано темпо напред, додека Македонија заостанува. Според неа, овој застој има и директни финансиски импликации, со оглед на тоа што државата ризикува да изгуби дел од европските грантови и средства за раст.

Шукова алармираше и на стагнацијата во спроведувањето на клучните реформи. Наместо доследна борба против корупцијата и криминалот, таа рече дека сведочиме на селективност и политичка неискреност.

„Имаме реформска агенда, имаме план за раст и точно знаеме што треба да правиме. Но власта тоа не го прави. На овој начин, како што се практицира власта, не гледаме сериозна борба против корупцијата и криминалот, вклучително и случајот со Кочани, каде што темата за селективна правда ја отвораме подолго време“, рече Шукова.

Таа додаде дека под притисок од јавноста и некои политички партии, се проширила истрагата во Кочани со инволвирање на актуелни функционери, но тоа, според неа, не е доволно.

„Со празни флоскули не се тера политика“, заклучи Шукова, повикувајќи на одговорност, транспарентност и вистинска посветеност кон европскиот пат.