Скандал во Тетово: Македонскиот јазик избришан од ноемвриската програма

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Скандал во Тетово: Македонскиот јазик избришан од ноемвриската програма

26 ноември 2025

• од Станча Јаќимовски

Лигата на борците од Национално-ослободителната и антифашистичката алијанса остро реагира на изборот на Алби Ќамили за заменик-градоначалник на Општина Тетово, одлука која неодамна ја донесе градоначалникот Биљал Касами.

Во нивната реакција тие оценуваат дека овој чекор претставува „етнички мајоризациски потег“ кој, според нив, не придонесува за градење инклузивно и мултиетничко општество.

„Иако до неодамна Биљал Касами чукаше на сите врати барајќи глас, зборувајќи на македонски јазик и ветувајќи нов пристап, токму по негов предлог беше избран албански заменик-градоначалник, без дополнителни објаснувања. Прашањето е: што му недостига на д-р Бранислав Светозаревиќ за да ги извршува обврските на заменик-градоначалник? Зошто неопходните коалиции на централно ниво не се рефлектираат со принципиелна застапеност и на локално ниво?“, се наведува во соопштението.

Освен за именувањето, Лигата реагира и на програмата за одбележување на ноемвриските празници. Тие тврдат дека македонскиот јазик е занемарен во официјалните најави и материјали.

„Реагираме и на програмата за месец ноември, каде што се трошат јавни средства за Денот на албанското знаме и Денот на албанската азбука, а македонскиот јазик е целосно заборавен. Сите известувања се исклучиво на албански јазик“, посочуваат од организацијата.

Инаку, пред неколку дена градоначалникот на Тетово, Биљал Касами, го назначи Алби Ќамили за свој заменик — потег кој предизвика негативни реакции кај дел од македонските националистички кругови.