Скопјанец обвинет за брутално силување на паркинг во Сопиште

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Скопјанец обвинет за брутално силување на паркинг во Сопиште

16 мај 2025

• од Вардарски

Основното јавно обвинителство Скопје поднесе обвинителен акт против 37-годишен маж од Скопје поради брутален полов напад и силување на жена, што се случило на 21 февруари вечерта на паркинг во населбата Сопиште. Обвинетиот се товари за кривично дело – Полов напад и силување, согласно член 186 став 3 во врска со став 1 од Кривичниот законик.

Според Обвинителството, на критичната вечер, мажот со умисла и употреба на сила, спротивно на јасно изразената волја на жртвата, ја принудил на полов однос во својот автомобил. Инцидентот започнал кога тој почнал да ја допира жената без нејзина согласност, а потоа станал насилен поради нејзиното одбивање.

„Ја удирал со боксови и тупаници, па дури и со нога во лицето, при што ѝ нанел сериозни телесни повреди – подливи, нагмечувања и скршеница на носните коски“, информираа од Обвинителството. И покрај тоа што жртвата изречно му кажала дека не сака да има интимен контакт со него и се обидувала да се одбрани, тој ја соблекол со сила и ја присилил на сексуален однос.

Јавниот обвинител, покрај обвинителниот акт, до Судот доставил и предлог за продолжување на веќе изречената мерка притвор за обвинетиот, со цел спречување на можноста за бегство или повторување на делото.

Овој случај предизвика згрозеност во јавноста, а институциите апелираат за будност и решителност при санкционирање на вакви тешки кривични дела.