Снопче: Влада без Алијансата за Албанците ќе биде нестабилна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Снопче: Влада без Алијансата за Албанците ќе биде нестабилна

30 април 2025

• од Вардарски

Халил Снопче, пратеник од крилото на Алијансата за Албанците предводено од Арбен Таравари, предупреди дека секоја идна влада без поддршка од неговата партија ќе биде нестабилна и може да води кон предвремени парламентарни избори.

Во изјава за медиумите, Снопче истакна дека пратениците од неговото крило не биле поканети на вчерашната средба на коалицијата ВЛЕН, која се одржа во Скопје. Тој додаде дека не е информиран за какви било одлуки што биле донесени на состанокот, за кој од коалицијата рекоа дека е прв состанок на претседателството.

Во однос на можноста дел од пратениците да формираат нова пратеничка група, Снопче рече:
„Немам официјална информација од службите на Собранието дали тие девет пратеници побарале посебна пратеничка група. Доколку тоа е вистина, тоа имплицира дека Алијансата на Албанците останува со пет пратеници“.

Тој појасни дека засега останува координатор на постојната пратеничка група на ВЛЕН која брои 14 пратеници, бидејќи формално не е формирана нова група. Сепак, додаде дека ако девет пратеници поднесат официјално барање за нова пратеничка група, автоматски ќе дејствуваат како група од петмина.

Снопче нагласи дека партијата е отворена за сите опции, вклучително и премин во опозиција. „Доколку Алијансата за Албанците биде надвор од Владата, тоа ќе значи потреба од нови парламентарни избори“, рече тој, посочувајќи дека иако Владата можеби ќе има мнозинство, со само девет албански пратеници ќе биде нестабилна.

Од друга страна, лидерот на ова крило, Арбен Таравари, останува на ставот дека предвремени избори не се потребни и дека постои стабилно мнозинство, без разлика дали Алијансата е дел од Владата. Тој посочи дека фокусот на партијата се претстојните локални избори, каде што ќе се стремат кон што подобри резултати и победа во повеќе општини.