Спасовски: Власта повторно без слух и волја за помош на жртвите во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Спасовски: Власта повторно без слух и волја за помош на жртвите во Кочани

08 јули 2025

• од Станча Јаќимовски

На денешната прес-конференција, координаторот на пратеничката група на СДСМ, Оливер Спасовски, остро ја критикуваше власта за, како што рече, целосно отсуство на одговорност и волја за поддршка на семејствата настрадани во трагедијата во Кочани. Тој информираше дека пратениците од владејачкото мнозинство не гласале за амандманот поднесен од СДСМ, со кој се предвидуваше директна финансиска помош во висина од 934 милиони и 340 илјади денари.

„Владата не само што не го прифати амандманот, туку не понуди ниту објаснување зошто не го прифаќа. Тоа покажува целосно игнорирање на потребите на граѓаните“, истакна Спасовски.

Амандманот се однесуваше на предлог-ребалансот на Буџетот и беше насочен кон помош на семејствата на загинатите и повредените во, како што тој ја нарече, најголемата трагедија што ја погодила Македонија.

Спасовски објасни дека СДСМ дури понудила компромис: ако се прифати овој амандман, тие би ги повлекле сите останати амандмани за да не се продолжува расправата. „Сметаме дека нема поважна тема од оваа. Ова е прашање на човечност, солидарност и единство“, рече тој.

Тој ги повика пратениците од ВМРО-ДПМНЕ, како и пратениците од ЗНАМ и ВЛЕН, да се приклучат на предлогот и да покажат дека парламентот знае да застане зад граѓаните во најтешките моменти. Наместо тоа, според Спасовски, претставникот на владата излегол со став дека парламентот не смеел да отвора вакви теми.

„Не ми е јасно како пратениците можат да останат неми и неактивни кога се работи за човечки животи и за семејства кои изгубија најмногу“, потенцираше тој.

Во завршницата, Спасовски упати апел до Владата и до парламентарното мнозинство, при изработката на Буџетот за 2026 година, да обезбедат доволни средства за финансиска поддршка на жртвите и нивните семејства од Кочани.

„Нема ништо поважно од ова во моментот во Македонија. Нема ништо поважно од 62 изгубени млади животи, од 250 повредени. Ова е иднината на Кочани, на истокот, и на целата Македонија“, заклучи пратеникот од СДСМ.