Спасовски: ВМРО-ДПМНЕ со акробации го блокира Законот за помош на Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Спасовски: ВМРО-ДПМНЕ со акробации го блокира Законот за помош на Кочани

23 јуни 2025

• од Станча Јаќимовски

На денешната седница на собраниската Комисија за политика, демографија и млади, се случија сериозни опструкции од страна на ВМРО-ДПМНЕ, обвини пратеникот на СДСМ, Оливер Спасовски. Тој посочи дека токму оваа партија го блокирала предлог-законот за поддршка на настраданите во трагичниот пожар во дискотеката во Кочани.

Седницата, свикана од претседателот на Собранието Африм Гаши согласно член 126, ја водеше пратеничката од ВМРО-ДПМНЕ, Благица Ласовска. Спасовски истакна дека на дневен ред, под реден број 12, бил ставен и законот за финансиска помош за настраданите и нивните семејства. Сепак, според него, Ласовска првично одбила промена на дневниот ред, а и подоцна, иако дозволила предлог за промена, мнозинството од ВМРО-ДПМНЕ не дало поддршка точката да се разгледува прва.

„Очекувавме поддршка за оваа точка како гест на солидарност, за да испратиме порака на единство до семејствата на загинатите и повредените. Наместо тоа, ВМРО-ДПМНЕ го блокираше процесот со деловнички акробации и спречи расправата да продолжи“, рече Спасовски.

Според него, токму несогласувањата и манипулациите довеле до прекин на седницата во моментот кога требало да се разгледува и предлог-законот за заштита на децата — уште една важна точка што, како што нагласи, со месеци се бара да се усвои.

„ВМРО-ДПМНЕ свесно ја отежнува ситуацијата и го става на втор план страдањето на над 25 повредени и семејствата на загинатите во Кочани. Наместо грижа за граѓаните, приоритет им се директорски позиции, набавки за папаја и манго за владините службеници“, остро критикуваше Спасовски.

Тој апелираше дека оваа законска иницијатива мора итно да се усвои, бидејќи токму Кочани и граѓаните погодени од трагедијата мора да добијат институционална поддршка. „Нема поважна тема во државата во моментов“, порача тој.