Спортот обединува: Благодарност до Бугарија преку фудбалски натпревар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Спортот обединува: Благодарност до Бугарија преку фудбалски натпревар

15 јуни 2025

• од Станча Јаќимовски

Три месеци по трагедијата во дискотеката „Пулс“ во Кочани, каде што животот го загубија повеќе млади луѓе, еден од хероите на таа кобна вечер одлучи на необичен начин да изрази благодарност. Сашко Атанасов, фудбалски тренер и татко на едно од повредените деца, организира пријателски фудбалски натпревар меѓу македонскиот клуб „Осогово“ и бугарскиот тим „Пирин“ од селото Рилци.

Натпреварот ќе биде симбол на благодарност до Бугарија, која помогна во лекувањето на повредените деца. Дел од нив беа транспортирани на лекување токму во бугарски болници.

„Јас моето дете го најдов таму, беше едно од изгорените деца. Потоа беа испратени на лекување во повеќе држави, меѓу кои и Бугарија. Тие ни помогнаа многу“, раскажува со трепет Сашко Атанасов.

Тој цели 40 дена бил покрај својот син додека се лекувал во бугарска болница. Иако не знае кој точно го спасил неговото дете од огнената стихија, благодарноста што ја чувствува е длабока. Не сака да се враќа на снимките и сликите од трагедијата, но храброста и решеноста да продолжи понатаму се мотив за неговата нова мисија: преку спортот да се гради мост на пријателство.

„Сакам да му се заблагодарам на бугарското здравство, кое им помогна на нашите деца. Не сакам вакви работи да се случуваат никаде. Преку спортот сакаме да ги зближиме децата, тие утре да дојдат кај нас и да градиме добри односи“, вели Атанасов.

Натпреварот помеѓу „Осогово“ и „Пирин“ ќе биде повеќе од само спортска средба – тоа ќе биде порака на солидарност, надеж и човечност. Преку фудбалот, Атанасов ги учи децата не само да победуваат на теренот, туку и во животот – со добрина, храброст и благодарност.