Срверна Македонија со над половина милијарда евра дефицит во 2025

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Срверна Македонија со над половина милијарда евра дефицит во 2025

29 август 2025

• од Станча Јаќимовски

Состојбата со надворешната трговска размена и тековната сметка во Северна Македонија драматично се влошува. Според најновите податоци на Народната банка, тековната сметка во првата половина од 2025 година бележи дефицит од 524,3 милиони евра, што претставува зголемување од дури 66% во однос на истиот период минатата година, кога негативното салдо изнесуваше 315,5 милиони евра.

Само во вториот квартал годинава, дефицитот достигна 194,3 милиони евра – бројка која иако е пониска во однос на претходниот квартал (330,2 милиони евра), сепак е значително повисока од минатогодишните 118,8 милиони евра во истиот период.

Причините за ваквото влошување, како што наведува Народната банка, се пред сè огромниот дефицит во трговијата со стоки и негативното салдо во примарните приходи. Овие слабости уште еднаш ја потврдуваат структурната ранливост на македонската економија, која не успева да ги намали зависностите и да создаде стабилен надворешен биланс.

Загрижува фактот дека негативниот тренд е континуиран. Во 2024 година, земјата веќе забележа дефицит од 355,5 милиони евра, по што практично беше поништен малкуто остварен суфицит од 55,6 милиони евра во 2023 година.

Економските аналитичари предупредуваат дека вака наглото проширување на дефицитот ќе ја зголеми потребата од задолжување и ќе создаде дополнителен притисок врз девизните резерви и стабилноста на денарот. Доколку не се преземат итни мерки за поттикнување на извозот и намалување на увозната зависност, Северна Македонија ризикува уште поголема финансиска нестабилност во следните години.