„Стоп за Вардариште“ со блокада на мостот „Близнаци“ утре наутро

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Стоп за Вардариште“ со блокада на мостот „Близнаци“ утре наутро

25 септември 2025

• од Станча Јаќимовски

Граѓанската иницијатива „Стоп за Вардариште“ најави дека во петок, 26 септември, освен закажаниот протест во 18 часот, ќе се одржи и утринска акција со блокада на мостот „Близнаци“. Блокадата ќе започне во 07:30 часот и ќе трае со цел да се изврши притисок врз надлежните институции за исполнување на нивните итни барања. Мостот „Близнаци“ ја поврзува општина Аеродром со општина Гази Баба.

Апел за разбирање

Организаторите апелираат до работодавците да покажат разбирање и толеранција доколку вработените задоцнат на работа поради протестот. Исто така, возачите се замолени за трпение и поддршка заради заедничката цел – чист воздух за сите граѓани.

Неисполнети барања

Иницијативата нагласува дека овој чекор се презема поради истекувањето на рокот од пет дена, кој им беше даден на институциите за да почнат со исполнување на следните барања:

Воспоставување 24-часовен јавно достапен видео-надзор на депонијата Вардариште.
Воспоставување 24-часовно физичко обезбедување на депонијата.
Итно иселување и згрижување на лицата кои живеат бесправно на територијата на Вардариште.
Поставување заштитна ограда околу депонијата.
Започнување процес за конечно затворање на Вардариште.
Откривање и санкционирање на потпалувачите и организаторите на пожарите.
Ригорозни мерки против граѓани и правни лица кои ќе продолжат да фрлаат отпад во Вардариште.

Институционално молчење

Барањата беа доставени до претседателката на државата, Владата, Министерството за животна средина, Министерството за внатрешни работи, Министерството за социјални политики, Град Скопје, како и до општините Гази Баба и Аеродром. Сепак, до моментот иницијативата не добила одговор од ниту една институција.