Таравари ја напушти Владата – СДСМ обвинува: Мицкоски ја води државата во провалија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Таравари ја напушти Владата – СДСМ обвинува: Мицкоски ја води државата во провалија

13 мај 2025

• од Вардарски

Со излегувањето на Алијанса за Албанците од владината коалиција, опозициската партија СДСМ остро реагира, оценувајќи дека ова е јасен сигнал за сѐ поголемото незадоволство од водството на премиерот Христијан Мицкоски.

Во своето соопштение до јавноста, СДСМ вели дека одлуката на Арбен Таравари и неговата партија да ја напуштат Владата е доказ дека „полека, но сигурно и граѓаните и политичките партии сфаќаат дека Мицкоски ја води државата во провалија“.

Според СДСМ, во само неколку месеци новата влада постигнала „катастрофални економски резултати“, проследени со „бесцелни патувања во странство“, додека државата, како што тврдат, е сѐ поизолирана од своите долгодишни партнери во НАТО и ЕУ.

Партијата исто така ја критикува актуелната власт за, како што наведува, расипничко трошење на буџетски средства – посочувајќи дека се трошат милиони за луксузни оброци, додека минималната плата не се зголемува и животните трошоци континуирано растат.

„Скандалите не престануваат, особено во општините управувани од кадри на ВМРО-ДПМНЕ, каде приоритет е местење тендери, а не интересите на граѓаните“, наведуваат од СДСМ.

Повлекувањето на Алијанса за Албанците од коалицијата, според СДСМ, е „невиден преседан во 35 години независност“, бидејќи за толку кратко време најголемиот партнер ја напушта Владата.

„На крај, Мицкоски ќе остане осамен, опкружен само со клиентелисти и амбицирани криминалци“, стои во заклучокот на соопштението.

Оваа изјава од СДСМ доаѓа во период на сѐ поголеми тензии во македонската политичка сцена, додека јавноста очекува понатамошен развој на настаните и евентуални преструктурирања на Владата.