Товарен воз кој сообраќал од Гевгелија за Солун излетал од шините

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Товарен воз кој сообраќал од Гевгелија за Солун излетал од шините

12 февруари 2025

• од Вардарски

Дел од втората локомотива на товарен воз што сообраќал од Гевгелија кон Солун, синоќа делумно излетал од шините во близина на градот Поликастро, северна Грција. Според генералниот секретар на синдикатот на вработени во Организацијата на грчките железници (ОСЕ), штетата на шините е значителна, поради што рутата Скопје-Солун ќе остане затворена околу два месеци, јавува дописничката на МИА од Атина.

Грчката железничка компанија „Hellenic Train“ соопшти дека инцидентот се случил во 21:25 часот, кога „задната оска на втората локомотива на товарниот воз 45201 делумно излетала од шините“. Компанијата нагласи дека безбедноста на персоналот не била загрозена и дека соработуваат со надлежните органи за да се утврдат причините за несреќата.

Според Никос Цикалакис, генерален секретар на синдикатот на ОСЕ, на терен се ангажирани тимови за проценка на штетата. Првичните информации укажуваат дека оштетени се над четири километри од железничката инфраструктура, што доведе до привремено затворање на станицата кај Идомени.

– Европската рута што води од Скопје ќе биде затворена два месеци, а како алтернативна опција за меѓународен железнички сообраќај ќе остане само линијата преку Бугарија – изјави Цикалакис за грчкиот портал „Карфица“.

Овој инцидент е уште еден потсетник за предизвиците со кои се соочува железничката инфраструктура во регионот и потребата од континуирани инвестиции за подобрување на безбедноста и одржувањето на железничките коридори.