Трамп: Никој не знае што сакам да направам

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Трамп: Никој не знае што сакам да направам

19 јуни 2025

• од Станча Јаќимовски

Претседателот на САД, Доналд Трамп, повторно предизвика реакции со своите неодредени и провокативни изјави во врска со кризата меѓу Израел и Иран. Обраќајќи се пред новинарите пред Белата куќа, Трамп одби да одговори конкретно дали САД ќе се вклучат во евентуален вооружен конфликт меѓу двете земји.

„Не можам да го кажам тоа“, изјави тој. „Можеби ќе го сторам, можеби нема. Никој не знае што сакам да направам“, додаде Трамп, нагласувајќи дека Иран се соочува со многу проблеми и веќе покажал интерес за преговори.

Трамп рече дека иранските преговарачи понудиле „можеби да дојдат во Белата куќа“, но посочи дека тоа би било тешко да се оствари. Според него, Иран стапил во контакт со неговата администрација, но веќе било предоцна за тоа. „Две многу едноставни зборови: безусловна капитулација. Ми е доста“, изјави американскиот претседател.

Тој исто така оцени дека Иран е „целосно незаштитена земја“ која повеќе нема функционална противвоздушна одбрана.

Во своето обраќање, Трамп се осврна и на последниот телефонски разговор со рускиот претседател Владимир Путин. Тој откри дека Путин понудил посредништво во решавањето на конфликтот со Иран, но Трамп одговорил со барање прво да се решат проблемите во Русија. „Владимир, ајде прво да ја решиме ситуацијата што се однесува на Русија. Потоа можеш да се занимаваш со Иран“, прераскажа тој.

Иако Кремљ не потврди нов телефонски разговор меѓу двајцата лидери, Москва и Вашингтон претходно соопштија дека во саботата, на 14 јуни, бил одржан телефонски разговор околу ситуацијата на Блискиот Исток. Помошникот на Путин, Јуриј Ушаков, го опиша разговорот како „информативен, искрен и, најважно, многу корисен“.

Изјавите на Трамп уште еднаш ја потврдуваат неговата непредвидливост и тензијата што владее во регионот, каде секој дипломатски потег или воена акција може да има глобални последици.