26 септември 2025
• од Станча Јаќимовски
Само една недела по нејзиното поставување, новата отворена теретана во Паркот на Франкофонијата беше оштетена од страна на вандали. Уништен е дел од реквизитите, а најмногу страдала вреќата за бокс која е целосно исечена и распарчена.
Градоначалникот на Општина Центар, Горан Герасимовски, денеска јавно реагираше на овој чин на вандализам, потенцирајќи дека опремата е поставена на барање на граѓаните.
„На кого му пречи, навистина? Катчето за рекреација, направено на барање на жителите, со новата современа теретана што ја поставивме пред само една недела во Паркот на Франкофонија, утрово го затекнавме уништено. Уште недовршена, теретаната веќе е вандализирана. Некој преку ноќ се обидел да ги запали реквизитите, а вреќата за бокс ја исекле со нож и целосно ја уништиле“, изјави Герасимовски.
Тој посочи дека наместо да се користи просторот за спорт и рекреација, некој свесно одбрал деструкција и уништување. Случајот е пријавен во МВР.
Герасимовски упати апел до граѓаните да го чуваат јавниот простор:
„Овој простор е создаден за жителите и за сите што сакаат спорт и дружење, а не за уништување. Апелирам сите да го чуваме јавното добро.“
Ненадминливи Понуди Дневно
4.8 (10276 рецензии)
Заштедете 152.00 ден

