11 февруари 2025
• од Вардарски
Паркот „Жена – Борец“, еден од симболите на централното градско подрачје во Скопје, е повторно мета на вандали. Фотографии што кружат на социјалните мрежи откриваат слика на целосна негрижа и уништување – искршени клупи, разурнати урбани елементи и расфрлан отпад. Она што некогаш беше уреден простор за одмор и релаксација, сега изгледа како заборавено место, препуштено на хаосот.
Граѓаните се револтирани и бараат итна реакција од надлежните институции – Општина Центар, Град Скопје и Министерството за внатрешни работи. Наместо реконструкции и залудно трошење на средства за нови урбани елементи кои за кратко време повторно ќе бидат уништени, се поставува прашањето: Каде е полицијата?
Зошто нема редовен надзор во јавните простори? Зошто никој не сноси одговорност за ова? Паркот, наместо да биде место за одмор и социјализација, стана огледало на општествената негрижа и недисциплина.
Граѓаните бараат решенија – поинтензивно полициско присуство, видео надзор и строги санкции за вандалите. Доколку институциите не преземат конкретни чекори, што останува? Да се отстрани и тоа што е останато и да се прифати поразот од оние кои го уништуваат градот?
Скопје заслужува подобро! Време е за акција, пред да биде предоцна.
Ненадминливи Понуди Дневно
4.8 (10276 рецензии)
Заштедете 152.00 ден

