Вечна Солидарност! Амбасадорката на Северна Македонија се среќава со претседателот на БЧК од Бугарија по трагедијата во Кочани!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Вечна Солидарност! Амбасадорката на Северна Македонија се среќава со претседателот на БЧК од Бугарија по трагедијата во Кочани!

28 март 2025

• од Гоце Кически

Во знак на солидарност и поддршка за жртвите и постраданите во трагичниот инцидент кој се случи во дискотека во Кочани, посланикот на Република Северна Македонија во Република Бугарија, Агнеза Руси Поповска, се сретна со акад. Христо Григоров, претседател на Бугарскиот Червен крст (БЧК), и проф. д-р Красимир Гигов, генерален директор на БЧК.

На оваа значајна средба, се изразени искрени соболезнувања кон семејствата на загинатите и постраданите, како и длабока солидарност со народот на Република Северна Македонија во овие тешки моменти. Посебно внимание беше посветено на актуелната ситуација, во која 15 лица, кои беа повредени при инцидентот, се лекуваат во бугарски здравствени установи.

„Солидарноста и поддршката помеѓу двете земји никогаш не биле побитни. Важноста на помошта во вакви моменти на страдање е неизмерна, а нашето заедничко дејствување во интерес на жртвите е пример за меѓусебната сила и човечност“, изјави Поповска.

Во контекст на соработката меѓу двете национални дружества на Червениот крст, беа истакнати не само активностите во однос на актуелната трагедија, туку и долгогодишната партнерска работа во хуманитарни акции, подготвеност за реакции во услови на природни катастрофи и за кризно управување. Двете организации потврдија важноста на координацијата и меѓусебната помош во моментите на потреба.

Во знак на почит кон жртвите и заради солидарност со постраданите, Червениот крст на Република Северна Македонија ја одложи прославата по повод 80-годишнината од своето формирање. Дополнително, во Бугарија беше организирана успешна кампања за крводавање, подржана од Министерството за здравство, Националниот центар за трансфузиона хематологија и други важни институции, со цел да им се помогне на повредените.

„Ние како Червен крст сме обврзани да бидеме присутни во најтешките моменти, да пружиме помош и да обезбедиме ресурси кога е најпотребно. Нашата работа е и наша мисија, а денес, во соработка со Република Северна Македонија, ја потврдивме нашата заедничка посветеност“, изјави акад. Григоров.

Оваа средба е потврда за силната хуманитарна врска помеѓу двата народи и нивните национални дружества на Червениот крст. Во времето на криза, кога светот се соочува со различни предизвици, солидарноста и заедничката работа се клучни во изнаоѓањето на решенија за помош и спасување на човечки животи.