Величковски: ETIAS е цената што ја плаќаме затоа што С. Македонија не е во ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Величковски: ETIAS е цената што ја плаќаме затоа што С. Македонија не е во ЕУ

26 јануари 2026

• од Станча Јаќимовски

Ова е изјава на политичарот Ивон Величковски, објавена на неговиот фејсбук профил, во која тој ги критикува македонските власти и, како што наведува, интересите на домашната олигархија, за долготрајното останување на државата надвор од Европската Унија и последиците што тоа ги има врз граѓаните и економијата.

Според Величковски, доколку Северна Македонија не останела надвор од ЕУ поради политиките водени во корист на олигархиски структури и нивните партии, граѓаните денес не би биле предмет на евиденција и наплата преку системот ETIAS, туку би минувале на граничните премини преку лентите „EU Passports“, како граѓаните и превозниците од Бугарија, Грција, Хрватска и другите земји членки.

ETIAS не ги менува правилата, туку ја потсетува реалноста

Во објавата, Величковски појаснува дека ETIAS е електронски систем за евиденција на влез и излез во Шенген-зоната за државјани на земји кои не се членки на Европската Унија. Престојот во ЕУ и понатаму е ограничен на 90 дена, со можност за одбивање влез, исто како и досега, а разликата е во тоа што сега процесот станува построго контролиран и финансиски оптоварувачки за граѓаните на Македонија.

Тој посочува дека внесувањето податоци во системот трае веќе два месеци, но дека македонските власти и Стопанската комора избегнуваат да ја соопштат суштинската вистина – дека лентите за земјите членки на ЕУ на граничните премини се отворени, но Македонија не ги користи поради сопствените политички одлуки.

Посебен удар врз транспортниот сектор

Во изјавата објавена на Фејсбук, Величковски укажува дека ETIAS има и јасна економска димензија, особено во однос на транспортниот сектор. Со системот, Европската Унија ја следи циркулацијата на превозниците од земји надвор од ЕУ и го ограничува нивното движење во рамките на Унијата, со цел да ја заштити сопствената конкурентност и даночните приходи.

Тој нагласува дека проблемот не е во квалитетот на возачите од Македонија или од Западниот Балкан, туку во фактот што земјата не е дел од заедничкиот европски пазар на добра и услуги, вклучително и транспортот. Според него, ваквите ограничувања ќе исчезнат дури кога Македонија ќе стане дел од ЕУ.

Алтернативата би била уште полоша

Величковски потсетува дека алтернативата на ETIAS би биле визи за возачите и патниците од Западниот Балкан, што би значело враќање на состојбата од пред дваесетина години – сложени процедури, обемна документација и неизвесност дали визата воопшто ќе биде издадена.

Тој во објавата споредува дека и при влез во Турција сите патници се скенираат и се задржуваат на граничните премини, нагласувајќи дека ваквите мерки не се исклучок, туку стандардна практика за обезбедување на безбедни граници.

Заобиколување на регионот и економски последици

Според Величковски, Европската Унија веќе покажува дека може да ги заобиколи блокадите на Западниот Балкан преку алтернативни транспортни коридори, како „Карпатија“, кој, како што наведува, веќе се користи повеќе од традиционалниот Коридор 10. Последиците од ова заобиколување, според него, веќе се чувствуваат, иако ретко се јавно артикулирани.

Тој додава дека постојат и поморски алтернативи, при што Грција, но и други земји како Турција, Италија и Бугарија, имаат капацитет да обезбедат транспортни бајпаси, што дополнително ја намалува транзитната улога на Македонија.

Политичка одговорност и порака

Во заклучокот на својата објава, политичарот Ивон Величковски порачува дека Владата не треба да бара оправдувања во ETIAS за слабите економски резултати, туку да ги заврши преземените обврски и да го деблокира процесот на пристапување кон Европската Унија.

Тој оценува дека штетите од сегашните политики ќе ги почувствуваат граѓаните, додека носителите на функции со високи примања и олигарсите, како што наведува, ќе останат заштитени од последиците, како и досега.