Возачот кој ја прегази девојката бил во притвор за дрога

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Возачот кој ја прегази девојката бил во притвор за дрога

30 јануари 2025

• од Вардарски

Во врска со медиумските написи поврзани со претходните постапки за возачот осомничен за синоќешната сообраќајна несреќа на „Партизанска“ во Скопје, во која животот го загуби 22-годишната Фросина Кулакова, Основното јавно обвинителство Скопје појаснува дека поднело обвинение со предлог за продолжување на мерката притвор, која по предлог на Обвинителството била определена од самиот почеток на постапката, и тоа за две кривични дела од член 215 од Кривичниот законик – Неовластено производство и пуштање во промет наркотични дроги, психотропни супстанции и прекурсори.

Основниот кривичен суд Скопје донесе пресуда со која на 20-годишниот возач обвинет , му изрече заводска мерка упатување во воспитно-поправен дом Тетово, третирајќи го сторителот како помлад полнолетник“, соопшти Јавното обвинителство.

„Во текот на целата постапка, токму по предлог на јавниот обвинител лицето беше во притвор, а при изрекување на пресудата Судот ја укина притворската мерка за обезбедување. Незадоволен од пресудата, имајќи го притоа предвид и претходното поведение на сторителот, јавниот обвинител вложи жалба и предметот е во жалбена постапка“, се вели во соопштението.

Обвинителството претходно вечерва соопшти дека 20-годишниот возач возел пијан, без возачка дозвола и со преголема брзина, поминувајќи на црвено светло кога ја прегазил жртвата на пешачки премин.
Јавува Слободен Печат