Чудо од дете: Бугарскиот ученик Калојан Гешев ја освои својата четврта светска титула во ментална аритметика
На само 14 години, бугарскиот ученик Калојан Гешев повторно го воодушеви светот со својот неверојатен ум. На 13 април 2025 година, тој ја освои својата четврта по ред светска титула во ментална аритметика, на финалето од Светското првенство кое оваа година се одржа онлајн.
На натпреварувањето учествуваа најдобрите млади математички таленти од Србија, Индија, Италија и Бугарија, но победата на Калојан беше убедливa уште пред завршниот круг.
Ученикот во осмо одделение од 125. средно училиште „Бојан Пенев“ во Софија се истакна со восхитувачка брзина, точност и ментален фокус, решавајќи задачи кои за повеќето звучат како невозможна мисија: факторизација на бројот 113 724, претставување на 102 184 како збир од квадрати, и пресметка на кубниот корен на 1 622 234 375 — сето тоа без калкулатор!
Со ова најново признание, Гешев уште еднаш ја засили својата репутација како еден од најгенијалните млади умови во светот, и со тоа ја донесе уште една гордост за Бугарија на светската интелектуална сцена.