Трамп го одложува воведувањето тарифи за Мексико на еден месец
Американскиот претседател Доналд Трамп изјави дека воведувањето на 25-процентни тарифи за увоз од Мексико ќе биде одложено за еден месец, откако мексиканската претседателка Клаудија Шеинбаум се согласила да испрати 10.000 војници на северната граница на Мексико.
Во објава на неговата платформа Truth Social, Трамп рече дека имал „многу пријателски разговор“ со Шеинбаум, при што договориле мерки за спречување на шверц на фентанил и контрола на миграцијата кон САД.
Договорот вклучува и одложување на реципрочните тарифи од страна на Мексико, додека двете земји продолжуваат со преговори предводени од високи претставници на двете влади.
Иако тарифите за Мексико се одложени, Трамп останува на ставот да воведе 25% тарифи за канадски производи, 10% за канадска нафта и дополнителни 10% за кинески увоз.