Пролетна магија: Мајски снег ги разубави Родопите во Бугарија!

Во соседна Бугарија утрово се разбуди со неочекуван мајски снег ги украси неколку родопски села во Пловдивската област. Овој необичен временски настан внесе свежина и носталгична убавина во планинските предели, потсетувајќи некои жители на старите времиња кога зимата често знаела да задоцни.

Во село Манастир, на 1500 метри надморска височина, падна околу 2-3 сантиметри снег. Кметот на селото, Милена Иванова, за БТА изјави дека за мештаните ова не е ништо ново. „И порано зимите започнуваа уште во септември, а сега снегот е реткост дури и во декември. Овој снег е само потсетник на убавите, чисти денови од минатото,“ вели таа со насмевка.

Иако времето е студено, атмосферата во селата е мирна и волшебна. Дрвјата и покривите се покриени со тенок снежен слој, а утринската тишина ја надополнува природната хармонија.

Снег падна и во Пампорово и регионот околу Рожен, каде температурата се спушти на минус 1 степен. Сцените од веб камерите на врвот Снежанка прикажуваат снежно-бели полиња што изгледаат како разгледница од зима – во средината на мај!

Иако ваквите појави се сè поретки, тие носат посебна убавина и чувство на благодарност кон природата. За љубителите на планината, ова е идеална можност за мајско кафе со поглед кон заснежените височини.

Природата уште еднаш покажа дека знае да изненади – а ние само треба да ѝ се восхитуваме.