Топол бран со температури над 40°C: Институциите апелираат на претпазливост

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ВРЕМЕ

Топол бран со температури над 40°C: Институциите апелираат на претпазливост

02 јули 2025

• од Станча Јаќимовски

Под влијание на топла воздушна маса од југ, од утре па сè до средината на следната седмица, времето ќе биде претежно сончево и многу топло со мала до умерена облачност, информира Управата за хидрометеоролошки работи. Дневните температури ширум земјата ќе надминат 30 степени Целзиусови, а локално се очекува да се искачат и над 40 степени.

Во недела, во попладневните и вечерните часови, се најавуваат услови за локална нестабилна облачност проследена со пороен дожд и грмежи.

Во меѓувреме, Институтот за јавно здравје излезе со серија препораки за заштита на населението, особено на постарите лица, од екстремно високите температури. Се советува да се избегнува изложување на сонце и работа на отворено во периодот од 11 до 17 часот. Граѓаните треба да носат лесна, светла и памучна облека, заштитни очила за сонце, капа со висок свод и широк обод, како и да користат креми со УВ фактор 30+ при престој на сонце.

Дополнително, важно е да се пие повеќе течности од вообичаено, без да се чека појава на жед, при што се препорачува да се избегнуваат алкохолни пијалаци, пијалаци со кофеин и екстремно ладни пијалаци. Ако лицата имаат медицински ограничувања за внес на течности, задолжително треба да се консултираат со својот лекар.

Исто така, се советува да се избегнува користење шпорет, рерна и слични уреди во најтоплиот дел од денот, од 11 до 17 часот, за да не се зголемува дополнително температурата во затворен простор.

Посебна препорака се однесува на хронично болните лица, особено оние со кардиоваскуларни, невролошки и белодробни заболувања, кои мора да бидат дисциплинирани во почитувањето на овие препораки и редовно да ја земаат својата терапија.

При какви било промени во здравствената состојба, Институтот за јавно здравје советува веднаш да се контактира матичниот лекар.