23 август – Европски ден на сеќавање на жртвите на тоталитаризмот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

23 август – Европски ден на сеќавање на жртвите на тоталитаризмот

23 август 2025

• од Тодор Вангелов

Денеска, 23 август, низ цела Европа се одбележува Европскиот ден на сеќавање на жртвите на тоталитаризмот, ден кој Европскиот парламент го прогласи за да се оддаде почит на милионите невини луѓе кои настрадаа под диктаторските режими во 20-от век.

По Втората светска војна, источна Европа беше поделена од железната завеса и со децении живееше под цврстата рака на комунистичките режими. Во Југославија, Бугарија, Романија, Чешка, Полска и многу други земји, режимите владееја со страв, репресија и замолчување на секоја слобода.

Особено трагично е што веднаш по војната, многу Македонци со бугарска национална свест беа подложени на тешки репресии. Илјадници беа затворени, испратени во концентрациони логори како Голи Оток и други, а дел од нив не ја преживеаја репресијата. Овие луѓе беа казнувани само заради својата национална самоидентификација, оставајќи трајни лузни во македонското општество.

Историчарите потсетуваат дека бројот на жртви од комунистичките репресии во поранешна Југославија е огромен – со десетици илјади политички затвореници, убиени интелектуалци и уништени семејства. Слична судбина споделуваа и соседните земји, каде што комунистичките режими зад себе оставија трајни трауми во општествата.

Овој ден служи како потсетник дека слободата, демократијата и човековите права не се дадени еднаш засекогаш. Пораката што Европа денес ја испраќа е јасна: никогаш да не се заборават жртвите на тоталитаризмот и никогаш повеќе да не се дозволи повторување на таквите злосторства.