Денес православната црква ги празнува Светите апостоли Сила, Силуан, Крискент, Епенет и Андроник

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес православната црква ги празнува Светите апостоли Сила, Силуан, Крискент, Епенет и Андроник

12 август 2025

• од Станча Јаќимовски

Денес, православните верници ги чествуваат спомените на Светите апостоли Сила, Силуан, Крискент, Епенет и Андроник — сите дел од седумдесетмината апостоли на Христос.

Свети Сила беше испратен од Јерусалим во Антиохија заедно со апостолите Павле и Варнава, со задача да го реши спорот меѓу верните околу обрезанието. Неговата мисија потврди дека незнабожците кои се обраќаат во христијанство не треба да бидат обрезувани (Дела апостолски 15, 22). По оваа служба, Сила патуваше со апостол Павле низ Азија и Македонија и подоцна беше поставен за епископ во Коринт, каде мирно се упокои.

Свети Силуан беше соработник на двајцата врховни апостоли (1 Петр. 5, 12; 2 Кор. 1, 19) и како епископ во Солун вложи многу труд и поднесе бројни страдања за верата, пред да го замени земниот со небесниот живот.

Свети Крискент, близок сотрудник на апостол Павле (2 Тим. 4, 10), подоцна стана епископ во Галија, каде маченички го заврши својот живот за време на прогоните на императорот Трајан.

Свети Епенет, спомнат од апостол Павле (Рим. 16, 5), бил епископ во Картагена, а Свети Андроник (Рим. 16, 7) служел како епископ во Панонија. Споменот на Андроник посебно се одбележува и на 17 мај.

Овој празник потсетува на непоколебливата вера и жртвата на раните Христови ученици, кои ширеле евангелие во првите векови и го зацврстувале христијанството низ целиот тогашен свет.