Денес се празнува Преподобен Пимен Велики

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес се празнува Преподобен Пимен Велики

09 септември 2025

• од Станча Јаќимовски

Денес Црквата го празнува споменот на Преподобен Пимен Велики – еден од најголемите подвижници на египетската пустина. Родум од Мисир, Пимен уште како момче бил вљубен во духовниот живот и често ги посетувал прочуените подвижници, собирајќи од нив искуство и мудрост како трудољубива пчела.

Пророштво за неговиот живот

Еднаш младиот Пимен бил однесен од Старецот Павел кај свети Паисиј. Гледајќи го момчето, Паисиј рекол:
„Ова дете ќе пасе многумина, со него е раката Божја.“
Овие зборови се исполниле – со тек на време Пимен се замонашил и во монаштво повлекол уште двајца од своите браќа.

Одвојување од светот

Особено трогателен е моментот кога нивната мајка дошла да ги види. Пимен не ја пуштил внатре, туку ја прашал:
„Сакаш повеќе да нè видиш овде или во вечноста?“
Мајката со радост одговорила: „Штом сигурно ќе ве видам таму, тогаш не сакам да ве видам овде.“ Со таа вера се оддалечила мирна и утешена.

Начинот на нивниот живот

Во манастирот што го водел најстариот брат, Анувиј, важел строг типик:

Ноќе четири часа минувале во ракотворби, а четири во псалмопеење.
Дење, до пладне, времето го делеле меѓу работа и молитва.
По пладне читале духовни книги, а по Вечерната служба имале вечера – единствениот оброк во денот, најчесто од едноставно зелје.

Авва Пимен сведочел:
„Јадевме тоа што ни се предлагаше, никој никогаш не рече: дај ми нешто друго или јас тоа не го сакам. Така сиот живот го поминавме во безмолвие и мир.“

Завршетокот на животот

Преподобен Пимен Велики се подвизувал во 5 век. Своите денови ги завршил во длабока старост, упокојувајќи се мирно, оставувајќи зад себе светол пример на молитва, воздржание и љубов кон Бога.