Денес се празнува Светата Преподобна Пелагија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес се празнува Светата Преподобна Пелагија – Покајаната грешничка

21 октомври 2025

• од Станча Јаќимовски

Денес Православната црква со побожност ја слави Светата Преподобна Пелагија, позната како Покајана грешничка. Нејзиниот живот е сведоштво за силата на покајанието и неизмерната милост Божја кон оние што искрено се обраќаат кон Него.

Од грев кон светост

Пелагија била родена како незнабошка во Антиохија, и од Бога имала голем дар – извонредна телесна убавина. Но, наместо да ја употреби за добро, таа живеела во грев, користејќи ја својата убавина за сопствено богатство и пропаст на душата. Со развратен живот се стекнала со големо богатство и слава меѓу луѓето.

Еден ден, минувајќи покрај црквата на Светиот маченик Јулијан, слушнала проповед на епископот Нон за Страшниот суд и казната за грешниците. Неговите зборови длабоко ја потресле и ја разбудиле нејзината совест. Во тој миг Пелагија почувствувала силно каење и со солзи му пристапила на свети Нон, молејќи го да ја крсти и да ѝ помогне да го најде патот кон спасението.

„Смилувај се на мене, грешната, и крсти ме и научи ме на покајание; јас сум море од беззаконија, амбис на пропаста, мрежа и орудие ѓаволско“ – вака го молела покајничката Пелагија.

Епископот Нон ја крстил, а нејзина кума била блажената Романа, ѓакониса на истата црква, која потоа станала нејзина духовна мајка и ја утврдила во верата.

Подвиг и осветување

Пелагија не се задоволила само со крштението. Сакајќи да ги исчисти своите гревови и да Му се посвети целосно на Бога, го раздаде целото свое богатство на сиромасите и тајно отпатува во Ерусалим. Таму, под машко име – монах Пелагиј, се затворила во келија на Елеонската Гора и живеела во строго покајание, пост, молитва и бдеење.

Три години подоцна, ѓаконот Јаков, слуга на свети Нон, ја посетил и ја нашол жива, но исцрпена од подвигот. По неколку дена, кога повторно дошол, ја затекнал мртва – мирно упокоена во Господа. Јаков со почести го погребал нејзиното тело.

Вечна слава на преподобната

Светата Пелагија се упокоила околу 461 година. Некадашна грешничка, таа со длабоко покајание го смилостивила Бога, добила прошка за своите гревови и се удостоила со Царството Небесно. Нејзиниот живот останува пример за тоа дека ниту еден човек не е изгубен, ако искрено се покае и се врати кон Господ.