Денес се празнува Светиот свештеномаченик Фока – обичајот налага да направите само една работа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес се празнува Светиот свештеномаченик Фока – обичајот налага да направите само една работа

05 октомври 2025

• од Станча Јаќимовски

Светиот свештеномаченик Фока уште од својата младост се подвизувал во сите христијански добродетели. Со голема ревност ја следел Божјата волја и со вера и љубов му служел на Христос. Подоцна бил поставен за епископ во својот роден град Синопа, на брегот на Црното Море. Таму со пример и со мудри зборови ги утврдувал верните во вистинската вера, а мнозина идолопоклоници ги обрнувал кон христијанството.

Но неговата ревност и силната вера предизвикале гнев кај незнабошците. Господ, за да го подготви за страдањето, му открил преку едно чудесно видение дека ќе пострада за Христа. Свети Фока видел светол гулаб како слетува од небото носејќи венец од прекрасни цвеќиња. Гулабчето го ставило венецот врз неговата глава, а од него се чул глас: „Твојата чаша се наполни и треба да ја испиеш.“

Разбирајќи дека му претстои маченичка смрт, Фока не се уплашил. Со благодарност кон Бога се подготвувал за страдањето што следувало. Наскоро бил фатен од кнезот Африкан, кој го подложил на страшни маки – го тепал и го ранил, а потоа го фрлил во зовриена вода. Во тие маки Свети Фока го предал духот свој на Господ и се преселил во вечната радост на Царството небесно. Тој пострадал за време на царот Трајан, и оттогаш Црквата го чествува како храбар сведок на Христовата вера.

Обичајот на денот

Според народниот обичај, денеска верниците треба да направат само една работа – да му оддадат почит на Свети Фока и да не започнуваат нови тешки работи. Се верува дека денешниот ден треба да помине во мир, молитва и благодарност.

Покрај тоа, постои и еден убав народен обичај: познаниците и соседите треба да си подаруваат овошје. Со тоа се изразува пријателство и се посакува меѓусебна љубов и слога што ќе траат долго, исто како што трае благословот на светиот маченик.