Денес се празнува Светиот свештеномаченик Тимотеј, епископ Пруски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес се празнува Светиот свештеномаченик Тимотеј, епископ Пруски

23 јуни 2025

• од Станча Јаќимовски

Свети Тимотеј беше Божји слуга со голема душевна чистота, смиреност и непоколеблива вера. Благодарение на неговото свето живеење, Бог го удостои со дар на чудотворство, и преку него се случуваа бројни исцеленија од телесни и душевни болести. Луѓето од сите краишта доаѓаа кај него, барајќи молитва, утеха и спасение, а тој секогаш ги пречекуваше со љубов, без разлика на нивната положба или состојба.

Во времето кога Римската империја беше потресена од отпадништвото на цар Јулијан Отпадник, кој се одрече од христијанската вера и се врати на паганството, многу христијани беа изложени на прогони и страдања. Меѓу нив беше и свети Тимотеј. Како архипастир, тој не се уплаши од заканите, туку храбро го исповедаше Христа и ги крепеше верните во вистината.

Заради неговата неуморна служба и влијание меѓу народот, свети Тимотеј беше фрлен во затвор. Но, дури и зад решетки, тој продолжи да ги поучува своите духовни чеда. Верните го посетуваа во темницата, жедни за духовна поука и молитва. Ова предизвика гнев кај царот Јулијан, кој нареди џелатот да му ја отсече главата во самиот затвор.

Свети Тимотеј го заврши својот земен живот како маченик во 362 година, добивајќи венец на слава во Царството Небесно. Неговата душа отиде кај Господа, а неговите свети мошти останаа на земјата како извор на чудотворна сила. Мнозина добија исцеление и утеха преку нив, и до ден-денес тие сведочат за Божјата сила и за светоста на овој славен маченик.

Нека неговиот пример ни биде поттик и ние со вера, смирение и љубов да го следиме Христа, без страв од световни закани, туку со надеж во вечниот живот. Свети Тимотеј, моли се за нас!