Денеска се празнува: Спомен на чудата на Свети Архангел Михаил

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува: Спомен на чудата на Свети Архангел Михаил

19 септември 2025

• од Станча Јаќимовски

Во Фригија, недалеку од Јерапол, се наоѓало едно место наречено Хони („нурнување“), познато по својот извор со чудотворна вода. Според преданието, Светиот апостол Јован Богослов заедно со апостол Филип, при својата проповед во Јерапол, прорекол дека на тоа место ќе потече извор со исцелителна моќ и дека таму ќе се јави самиот Архистратиг Михаил. Наскоро, оваа пророчка најава се исполнила – изворот навистина потекол и се прославил со многубројни исцеленија.

Исцелението на немата девојка

Еден незнабожец од Лаодикија имал нема ќерка и живеел во голема жалост. Во сон му се јавил Свети Архангел Михаил и му заповедал да ја однесе ќерката на изворот во Хони. Човекот го послушал видението и ја довел девојката, каде што затекнал многуброен народ што барал исцеление. Христијаните таму му рекле дека треба да се моли „во името на Отецот и Синот и Светиот Дух“ и да го повика Архангел Михаил. Кога тоа го направил и ја напоил својата ќерка со водата, девојката проговорила. Восхитен од чудото, целиот дом на овој човек примил христијанска вера, а тој изградил црква во чест на Архангел Михаил покрај самиот извор.

Подвигот на Свети Архип

На тоа свето место подоцна се населил монахот Архип, кој живеел во строг подвиг, пост и молитва. Неговата вера и присуство предизвикувале гнев кај незнабошците, кои не можеле да ја поднесат силата на христијанската светост. Со злоба тие ја пренасочиле блиската река за да ја потопат црквата и изворот. Но, по молитвата на Архип, повторно се јавил Свети Архангел Михаил и направил чудо – во карпата покрај црквата се отворил огромен расцеп што ја примил целата вода. Така храмот и изворот биле спасени, а местото добило име Хони („нурнување“), бидејќи реката се нурнала во таа бездна.

Завршетокот на животот на Архип

Свети Архип продолжил да живее на ова место во молитва и подвиг цели седумдесет години. По долг духовен труд, тој мирно се упокоил во Господа, оставајќи зад себе сведоштво за верата и чудотворната сила на Архангел Михаил.